خلاصة الخبر في نقاط
- خلينا نعترف بالحقيقة من غير تجميل: فيه أولاد كتير بقوا بيصحوا الصبح للمدرسة وكأنهم رايحين لعقوبة!
- لكن السؤال الأهم: هل العيب في أولادنا فعلًا؟
- طفل بيقضي ساعات طويلة بين شرح وحفظ وواجبات، وبعدها يرجع البيت يواجه ضغط الدروس والمذاكرة والامتحانات
- إمتى بقى هيلعب؟ إمتى هيسأل؟ إمتى هيحب يتعلم؟
ليه أولادنا مش بيحبوا المدرسة؟
بقلم: ملك السيد السيسى
خلينا نعترف بالحقيقة من غير تجميل: فيه أولاد كتير بقوا بيصحوا الصبح للمدرسة وكأنهم رايحين لعقوبة!
لكن السؤال الأهم: هل العيب في أولادنا فعلًا؟
طفل بيقضي ساعات طويلة بين شرح وحفظ وواجبات، وبعدها يرجع البيت يواجه ضغط الدروس والمذاكرة والامتحانات.. إمتى بقى هيلعب؟ إمتى هيسأل؟ إمتى هيحب يتعلم؟
إحنا محتاجين مدرسة تخلي الطالب يقول: “أنا عايز أروح” مش “إمتى اليوم يخلص؟”
التعليم مش درجات وشهادة وبس.. التعليم الحقيقي هو إننا نزرع في أولادنا حب المعرفة والثقة في النفس والقدرة على التفكير.
يمكن أولادنا مش بيكرهوا المدرسة.. يمكن هم بس مش لاقيين نفسهم جواها.
والسؤال اللي يستحق الإجابة من كل أب وأم ومعلم ومسؤول:
هل مدرستنا بتعلّم أولادنا فعلًا.. ولا بس بتجهزهم للامتحان؟
تحياتي للجميع //. ملك السيد السيسى
