محيي إسماعيل: رفضت تقبيل سعاد حسني.
إيمان عبدالرازق
في برنامج مع الاعلامية “راغده شلهوب” صرح الفنان القدير “محيي اسماعيل” انه رفض تقبيل الفنانة الراحلة “سعاد حسني” في فيلم “بئر الحرمان”
فعندما سألته المذيعة: لماذا كنت ترفض تقبيل سعاد حسني في فيلم “بئر الحرمان” ، حتى إنك كنت ترفض الدور كله من أجل قُبلة؟
رد الفنان محيي إسماعيل: أولًا أنا كنت في سن صغيرة، وكانت الصلاة وقتها مهمة جدًا بالنسبة لي، وكنت ملتزم بأداء الفروض في مواعيدها.
فلما قالولي إن في المشهد قُبلة، قلت لهم لأ مش هقبل حد خالص.
قالولي: ليه؟
قلت لهم: مش عايز
قالولي: دي سعاد حسني
قلت لهم: إن شاء الله تكون مين، أنا مش عايز
وقتها كنت مش فاهم السينما قوي، قالولي:
“هو انت اللي بتقبل؟ دي الشخصية.”
قلت لهم:
“ما هو أنا الشخصية دي” ، ما هو أنا !
زعلت جدًا، وقعدت في الأوضة، وبعدين جولي وقالولي:
“انت مش فاهم حاجة في السينما، ولو المشهد ده ما اتعملش مش هتشوف السينما طول عمرك.”
فخلاص كنت مجبر، قالولي:
“قَبّلها القبلة وبعدين روح صلي”
المذيعة:
وقَبلتْ؟
محيي إسماعيل:
آه، قَبَّلَتْ وروحت صليت.
أحيانًا الواحد بيجيله شعور بالذنب في حاجات كتير، مش شرط القبلة بس.
بس ربنا غفور رحيم، والإنسان ممكن يبقى كويس بعد كده.
المذيعة:
بس بعد كده اقتنعت إنها فكرة تمثيلية وأداء شخصية؟
محيي إسماعيل:لأ .
مش عارف ليه، بس أنا ما بحبش المشاهد اللي فيها قبلات.
بعتبرها تجسيد لحاجة شبقية المفروض تتعمل في السر، مش في العلن.
أنا ممكن أكون مخطئ، بس في ناس كتير بوُيسَه بناقص أنا.
كل الأمنيات بدوام الصحة للفنان القدير “محيي إسماعيل” داعيين الله ان يلبسه ثوب العافية .
لا توجد تعليقات بعد.