عمرو أديب” يستغيث على الهواء لأنقاذ شيرين عبدالوهاب: احنا عاوزين نعرف هي فين.
كتبت: إيمان عبدالرازق
اثار الاعلامي ” عمرو أديب” جدلاً واسعاً حينما ظهر في برنامجه “الحكاية”
الذي يقدمه على قناة mbc مصر، مطلقاً استغاثة قوية لإنقاذ الفنانة شيرين عبد الوهاب، بعد اختفائها طوال الفترة الماضية وعدم ظهورها في أي مناسبة، مؤكدًا أن حديثه لا يوجَّه إليها شخصيًا، بل الى جهة في الدولة قال إنها تعرف جيدًا ما يجب فعله، مضيفًا: “شيرين محتاجة حد يلحقها… يا نلحقها يا مانلحقهاش”
قائلا: فين شيرين انا حاسس انها بتخلص هي فين ومين معاها ومرتبطة بمين ؟
وصحتها عاملة ازاي ومحدش يعرف
شيرين محتاجة حد يتدخل ، أنا مش بوجه كلامي لشيرين ولكن لحد هو عارف يقدر يعمل ايه، هي محتاجة حد يتدخل ويعملها حاجة ،أغلبنا عارف ايه المشكلة(قاصداً معاناتها من الأدمان) ويانلحقها يامنلحقهاش
انا بتكلم من واقع اتصالات حصلت النهاردة وانا
مقدرش اعمل حاجة ، وعاوز الحق شيرين
وشدد أديب على أن القضية إنسانية بالأساس، داعيًا للتعامل مع شيرين كإنسانة تمر بظروف صعبة قبل النظر إليها كنجمة كبيرة، قائلًا : “بصّوا لها كإنسانة قبل ما تكون فنانة ؛ الست محتاجة المساعدة”.
وأكد أن هناك أشخاصًا يعرفون مكان شيرين وحالتها الصحية والنفسية، مطالبًا إياهم بالتدخل الفوري، وقال: “في ناس عارفة شيرين فين وحالتها عاملة إزاي.. انقذوها يا جماعة”.
كما أجرى مكالمة هاتفية مع النقيب الفنان “أشرف زكي” الذي بدأ كلامه معه موجهاً سؤاله : انا مش بحاول أضغط عليك بس أنا عارف ان انت عارف شيرين فين دلوقتي؟
ليرد الفنان “أشرف زكي”: في أسألة الأجابة عليها دلوقتي مش وقتها بس شيرين موجودة في بيتها
أنا زرتها في بيتها من ٢٠ يوم وحاولت أقنعها اننا ننزل ونخرج قالت لي : أنا في حالة مزاجية مش كويسة وفي وقت تاني هتلاقيني بكلمك وبقولك تعالى خدني وننزل …
انا بالعافية قدرت أقابلها أنا وبعض أصدقائنا لأنها مش حابة تقابل حد في التوقيت ده،
معاها ناس وولادها كانوا جايين بعد يومين أو تلاته ، وعايشة حياتها عادي جداً
وجدير بالذكر ان منذ فترة قريبة صرحت شيرين في منشور لها عبر حساباتها على السوشيال ميديا قائلة : “جمهوري الحبيب الغالي في جموع الوطن العربي، أنا بخير الحمد لله وفي بيتي وكل الكلام اللي بيتم ترويجه على صفحات السوشيال ميديا عن تدهور حالتي الصحية كلام غير صحيح وجارٍ اتخاذ الإجراءات القانونية ضد مروّجي هذه الشائعات السخيفة”
كل الأمنيات والدعم للنجمة “شيرين عبدالوهاب” بدوام الصحة والعافية وأن ترجع لجمهورها ومحبيها بألف خير وسلامة
لا توجد تعليقات بعد.