ياسر جلال يتسائل مين الممثل اللي بياخد ٤٠ و٥٠مليون انا بطلب منه يوريني العقد بتاعه.

كتبت: إيمان عبدالرازق

أثارت تصريحات الفنان “ياسر جلال” الجدل مؤخرا عقب كلامه الذي قاله حول أجره وأجر زملاؤه الفنانين وذلك في مداخلة تليفونية أجراها مع الإعلامي “تامر أمين” ببرنامجه “آخر النهار” على قناة النهار

حيث سأله تامر أمين :

– ليه تصريحاتك أثارت الجدل؟

فأجاب ياسر جلال : علشان أنا قولت إني أجري مش

بيكفي مصاريفي طول السنة فالناس قالولي كل ده مش مكفيك؟

و أنا عايز اقول إن فيه زملا بيتباهو ان هما أعلى أجر في مصر فلأ أنا أقل أجر بالنسبة لزمايلي

ليلاحقه تامر آمين سائلاً: – مين اللي قال اللي أقل أجر؟

فيجيب ياسر جلال: أنا

فيفاجأه تامر أمين قائلاً: يعني ٤٠ مليون مش كفايه؟

ليرد الفنان ياسر جلال مندهشاً: ٤٠ مليون؟

فيستكمل تامر أمين :- أنا بخمس أهو في وشي

فيجيب ياسر جلال: قسماً بالله العلي العظيم أنا باخد ربع الأجر ده و ازيد منه سيكا علشان القسم

فيسأله تامر أمين: – يعني أجرك فوق العشرة مليون؟

ويرد ياسر: أه و الحمد لله ده كتير و أنا راضي.. بس أنا مبعملش إعلانات و مبروحش برامج بفلوس و مبروحش أقول أنا عايز فلوس عشان اطلع في برنامج و كل الزملاء ليهم إحترامهم و حساباتهم بس أنا مبعملش إعلانات و لا أفلام و لا بعمل برامج بفلوس فالفلوس اللي باخدها في المسلسل اللي هي ربع اللي الناس بتقول عليه ده أنا بعيش عليها طول السنه لأني بدفع ٤٠٪ منها ضرائب و الباقي أقل بدله بـ ١٠٠ألف جنية

فلما بعمل مسلسل أجيب فيه عشر بدل و عشر بنطلونات و كام قميص ما دي فلوس.. و لما باخد ولادي و عايز أقعد معاهم في مكان هضطر اقعد في مكان خاص عشان الناس بتحب تتصور.. فاللي باخده ده مبلغ كبير الحمد لله بس بيتصرف على أعباء الشغلانة

، و أنا عارف ان فيه رقم بتطلعه في الخير و مساعدة زمايلك

اللهم لك الحمد و أنا بشكرك طبعاً و مكنتش حابب اتكلم في الموضوع ده.. وفيه ناس بتقولي ما انت بتدفع ضرايب ماهي الضرايب هي الزكاة فلا أنا و مراتي بنرفض ده و الضرايب حاجة و الزكاة حاجة فأنا الحمد لله بدفع ضرايبي و بدفع الزكاه الحمد لله.. و أنا بقول ده لأن الناس ساعات بتضطرك توضح.. أنا فلوسي مش ليا أنا فلوسي ببسط بيها عيلتي و لو سافرت برا بصرف الفلوس دي و أنا معنديش بيزنس علشان أحوش.. فالحمد لله أنا باخد رقم راضي بيه و مستور الحمد لله فيه غيري مبيعرفش يكمل الشهر..و الله أنا معرفش مين الممثل اللي بياخد ٤٠ و ٥٠ مليون ده أنا بطلب من اللي بيقول كده ده يورينا العقد بتاعه لأن والله العظيم ما فيه الأرقام دي لإن اللي بيقول كده ده بيسوق لنفسه مش أكتر .