زينة: بقى عندي تروما وموت اسلام أخويا كانت سكينة دخلت قلبي

زينة: بقى عندي تروما وموت اسلام أخويا كانت سكينة دخلت قلبي

كتبت: إيمان عبدالرازق

أحلت النجمة “زينة” ضيفة لبرنامج على منصة “شاشا”

مع المذيع “محمد قيس” في حلقة بعنوان “قصتي” ، ويعد هذا الظهور هو الظهور الأول لها بعد وفاة شقيقها “إسلام”

، ومن المعروف عن هذا البرنامج أنه من نوعية برامج الفضفضة التي تتيح للضيف التعبير والبوح عما يدور بداخله ، ويترك المذيع الفرصة للضيف أن يتحدث أكثر ويعبر عن مشاعره الداخليه ، وظهرت زينة في الحلقة بوجه حزين وفستان أسود أنيق حداداً على وفاة شقيقها، وتحدثت زينه في الحلقة عن كل جوانب حياتها سواء الفنية أو الإنسانية او العائلية

.

وأهم ما تحدثت عنه في اللقاء هو أزمتها مع أبو أولادها النجم “أحمد عز” والتي وصفتها بغلطة وسوء اختيار وليس حب وعندما سألها المذيع عن السماح وهل هي مسامحاه قالت سماح عن إيه ولا إيه ولا إيه

يعني إيه سماح، على الأيام اللي عدت صعبه ولا على نفسيتي اللي كانت متدمرة ولا على الظلم ولا على الأيام اللي نمت فيها معيطة ولا على عمري اللي عدا، وبسؤالها عن تنازلها عن قضية بسجنه لمدة ثلاث سنوات قالت: أنا متنازلتش بس في نفس الوقت مسعتش ورا القضية ولا حضرت المحامي بتاعي وهو عمل استئناف وانا مكملتش وكمان علشان مامتي قالتلي كلمة قالتلي بلاش علشان ولادك مش هيسامحوكي،

وعندما تابع

المذيع قائلا ولو رجع بيكي الزمن هتسيبيه يتسجن فقالت: هسيبه يتسجن لو حتى أسبوع علشان يتأدب.

وعن موت والدها قالت: لما بابا مات قلبي بقى يدق خوف يعني لما بفرح بخاف لما بزعل ببقى خايفه بنجح خايفة مبسوطة خايفة،كما انهارت بالبكاء على وفاة شقيقها وقالت: لما أخويا إسلام مات كانت سكينة دخلت قلبي وقعدت كتير مش مصدقة .

أما عن علاقتها بالنجم “تامر حسني” وبسؤالها هل هي زعلانة منه علشان موقفش بجانبها في موت شقيقها قالت: أنا مش زعلانة من تامر خالص ومبزعلش منه انا وتامر اخوات هو اه موقفش الوقفة اللي كنت منتظراها منه ومحضرش العزا بس هو جالنا البيت عند ماما في نفس يوم العزا وعزانا، وتامر من العائلة وهو مربي اخواتي معايا وعمري ماهنسى وقفته معايا لما جابني في فيلم في عز أزمتي وأصر عليا رغم اعتراض الكثيرين اللي قالوله بلاش زينة وهو لم يسمع كلامهم نهائي .

وسألها المذيع :ولسة مازلتي بتتحاربي يازينة وبيقولوا بلاش زينة فأجابت : نعم لسه بيقولوا كده، وأنا فيه فنانة مبتحبش تشوفني في أي عمل ولا تسمع اسمي.

وعن علاقتها بالنجمة “شيرين عبد الوهاب ” قالت: انا وشيرين أصحاب من زمان أوي من قبل ما تعمل “أه يا ليل” كنا شلة أنا وتامر حسني وأحمد سعد وشيرين

وياسمين أختي ودنيا وإيمي سمير غانم، كان “نصر محروس” كنت أعرفه وكان عارف إني بلبس حلو كلمني قالي أنا جايب بنت جديدة صوتها حلو وطلب مني أنزل اشتري معاها لبس للفيديو كليب وأخدتها ورجعنا على البيت عندي واتغدينا مع بعض وبقينا أصحاب من وقتها،

واستكملت زينة حديثها: لما بدأت شيرين تتعرف كنا بنسافر معاها، يعني مثلا عندها حفلة في لبنان أروح معاها أنا وياسمين تذاكر ببلاش ونتفسح، هي بالنسبة لي مش مطربة ولا صاحبتي عادي، أبويا كان بيحبها وهي كانت بتحبه وفاكرة بابا مرة تعب ودخل المستشفى شيرين كانت بتيجي تقعد تحت رجله وتأكله عمري ما هنسى المشاهد دي في حياتي.

وتابعت زينة حديثها: علاقتي اتقطعت بشيرين خالص من وقت كبير قبل الأزمة اللي حصلت، حتي علاقتها بياسمين أختي من ساعة ما شيرين اتجوزت حسام اختفت تماما، لحد ما سمعت أنها تعبانة قلبي وجعني ولقيت نسرين أختي بتكلمني في التليفون وبتعيط كنا

عرفنا الموضوع من ناس قريبين منها فكلمت حد وطلبت رقم شيرين عبد الوهاب وكلمتها ورحتلها كانت تعبانة صحياً عملت عملية وشالت المرارة وكان عندها الصفراء، مش الحاجات اللي بتتقال عنها، هي عملت عمليات ودخلت العناية المركزة وحالتها كانت خطر هي أهملت في صحتها، ولما لقيت نفسي لوحدي كلمت أحمد سعد وهو أقرب لشيرين كتير، وهو مترددش لحظة هو راجل محترم وجدع .

وعن علاقتها ببنات شيرين عبد الوهاب: “إحنا إخوات من زمان وأولادها ولادي ومولودين على إيدي وولاد أختي أصحاب “مريم وهنا” وبحبهم زي ما بحب “عز وزين” وفي حفل التخرج لمريم بنت شيرين شيرين كانت موجودة بس مش لازم تتصور عشان تثبت لحد .

وعن النجمة “نادية الجندي” قالت: ياماما دي مبعتبرهاش أكبر مني أنا بعتبرها بنتي وبحبها حب مش طبيعي وأنا شاكة ان الست دي قريبتي وهي ست جدعة وطيبه وانا بحبها وبستشيرها في كل حاجه وهي بتخاف عليا أوي، محدش بيخاف عليا غير ولادي واخواتي ومامتي ونادية الجندي.

الحديث مع النجمة “زينة ” كان شيقاً للغاية وتحدثت

فيه زينة من قلبها وأطلقت لمشاعرها الصراح لتخرج بكل تلقائية فبكت من قلبها وضحكت وأباحت بكل مايدور بداخلها بصدق ،وكانت حلقة من أجمل الحلقات التي أظهرت زينة الانسانة الطيبة الجدعة اللي بميت راجل والتي عانت في حياتها كثيراً أيضا، فهي أب وأم لأولادها التوأم ،والصاحبة الجدعة لأصحابها ،والأخت الحنونة لأشقائها، هي مزيج من شخصيات في شخصية واحدة ومتحملة الكثير من المسئوليات وأشارت لذلك عندما قالت في حديثها: أنا مش عايزة اي حاجة من اللي عندي (قاصدة الشهرة والفلوس) ،عايزة أبقى انسانة عادية وأعيش في سلام وهدوء .

كل الحب والدعم للفنانة الجميلة “زينة” وأتمنى لها السلام والأمان النفسي ومزيداً من التألق والنجاحات، والسعادة في حياتها الفنية والشخصية وأن يبارك الله لها في أولادها ويجعلهم ذرية صالحة .