كتب/ اسامه محيسن…
من المستفيد من عدم صيد التماسيح في بحيرة ناصر؟!!!
بحيرة ناصر طولها ٣٥٠كم، ومساحتها مليون فدان مائى
وفيها ٤٣ ألف تمساح، وفى دراسات أخرى تقول انها ٨٠ ألف تمساح، تتغذى بالهنا والشفا على أنقى وأنضف أنواع السمك، والشعب مش لاقى الفول ..!
مع العلم ان نص هذه التماسيح توحشت ، من أيام الفراعنة كان التمساح رمز القوة
والتمساح المتوحش (طوله ٦ متر، ووزنه ٩٥٠ كجم، والأنثى تبيض ٦٠:٤٠ بيضة سنوياً)، بياكل فى المتوسط يومياً ٢٠ كجم سمك، وبين المتوسط والصغير، التمساح الواحد بياكل ١٠ كجم فى اليوم!!.
بحسبة بسيطة: نفترض أن عدد التماسيح ٤٠ ألفا X ١٠ كجم يومياً = ٤٠٠ طن سمك يومياً، يلتهمها (أسيادنا) التماسيح.. يبقى X السنة بياكلوا: ٤٠٠ طن X ٣٦٥ يوما = ١٤٦ ألف طن!!.
#السؤال: إحنا بنصطاد من البحيرة، عشان الشعب ياكل، كام طن فى السنة؟.
الإجابة: ٢٠ ألف طن!!
اسأل: هيئة الثروة السمكية، ومعهد أبحاث الأسماك، والعشرين جهة التابعة:
فى أسوان: حضراتكم بتصرفوا كام: مفارخ – ومبانى حكومية – وكهربا مدعومة – وأسانسيرات – وبوكسات وأتوبيسات – ومرتبات – وحوافز – وتليفونات – وتكييفات و..
وقسم المصروفات على الـ ٢٠ ألف طن.. يبقى الكيلو وقف بكام؟
وخسائر كام مليون؟
#والحل:
١- نصطاد التماسيح الـ ٤٠ ألفا، (يوجد حول العالم شركات متخصصة، فى الصيد دون استخدام الرصاص)، حتى لا يتم (تخريم) الجلد، والجلد الواحد ثمنه ٤ آلاف دولار (للتمساح النيلى البالغ)..
٤٠ ألف تمساح X ٤ آلاف دولار =
160 مليون دولار
لو اللى موجود 80 الف تمساح X ٤ آلاف دولار =
320 مليون دولار
يعنى فلوس وفوسفور
#معلومات:
ميزانية معاهد بحوث الصحراء المسؤولة عن ٩٤% من مساحة مصر ٢١ مليون جنيه فى السنة، وميزانية البحوث الزراعية فى مصر كلها ١٣٠ مليون فى السنة، ولو رمينا زريعة أسماك بحوالى 200 مليون مثلا فى السنة ده كيلو البلطى هيوصل للمستهلك 30 جنيه او اقل
و 200 مليون بالنسبة لاستثمار التماسيح رقم لا يذكر
٢ـ نحتفظ (بالولدة) أى الأحجام الصغيرة، وننشئ ٣ مزارع تماسيح، فى الأقصر – أسوان – أبوسمبل، كمزارات سياحية (وعندنا السياح هناك) الشباب يشتغل، ونكسب من رسوم الدخول + مقاهى + مطاعم + بازارات لبيع المصنوعات من جلد التماسيح (أحزمة – شنط يد – جواكت – أحذية) هى الأغلى فى العالم)!!
#والأهم:
بما أننا أول دول العالم فى استيراد الأسماك المجمدة النفايات من شرق آسيا وأوكرانيا (مصر تستورد ٤٢٠ ألف طن نفايات) سنوياً ..!!.
٣ـ هنوفر الدولارات (اللى بنستلفها)، وثمن الأدوية اللى بنتعالج بيها، من سموم النفايات المستوردة ، والشعب ياكل السمك النضيف، اللى التماسيح بتاكله (قشر بياض – بلطى نقى – بياض و…)
وبما أن سمك البحيرة يتغذى على الطحالب مجاناً، يبقى تكلفة كيلو البياض أو البلطى هى: الحراسة + الصيد + التبريد + النقل حتى العواصم = 30جنيه (بالسرقة)
ممكن تبيعها المجمعات الحكومية بمكسب ٢٠% = كيلو قشر بياض أوبلطى نقى، للمستهلك بـ 36 جنيه، أرخص من الفول!!
#يا سيدى: عندنا بحيرة.. (المنزلة – البرلس – البلاح – ماريوط – إدكو – قارون.. إلخ)، أصبحت مجارى للصرف الصحى، وتعرضت للتجفيف بالاعتداءات، ولم يتم تطهيرها، وانغلقت بواغيزها على البحر، ولم يبق لنا نظيفا سوى بحيرة البردويل ..!
#والحل :
الكراكات والأوناش والمعدات اللى كانت مستخدمة فى حفر قناة السويس، تروح لتطهير البحيرات وإزالة التعديات، على أن يتم تجهيز (الذريعة) فى الوقت نفسه
بعد ٦أشهر لن نستورد كجم واحد ..!!
#باختصار: فى أيدينا، نأكل الشعب المصرى سمك نقى ونضيف، وتصبح الوجبة الشعبية: سمك مشوى، مقلى، مملح، مدخن، مع البطاطس أم ١٠جنبه الكيلو فى الغيط، وناكل: فيش أندشيبس!!
#ملحوظة:
المغرب (من غير بحيرات ولا أنهار، بتصدر بـ ٢ مليار يورو (سردين معلب، وأسماك مجففة، وكل ما تتخيله، حتى رؤوس وديل السمك)
وإحنا بنستوردها منهم لعلف الدواجن.
السمك للتماسيح .. والفول للمصريين!!
تم نسخ الرابط بنجاح!
التعليقات:
Isabell Rigsby
Reaching out, Saw your website and thought this could help. There’s a completely free tool that lets you submit your website across multiple classified sites with just a few clicks. Here’s the URL: www.sitesubmitterpro.com It’s totally free and takes seconds. Happy to share more free exposure tools.
2 فبراير، 2026 | 1:48 صAmos Fine
Good day, Saw your site and figured this might be valuable. I wanted to share a free resource that helps you get more exposure for your business across multiple classified sites with a single submission. If you want an easy traffic lift, here’s the page: https://sitesubmitterpro.com It’s a free way to get more exposure and takes less time than submitting to even one site manually. Just reply if you want more ideas.
4 فبراير، 2026 | 2:14 ص