إدارة الموقع
إنا لله وإنا إليه راجعون ..
يوم الجمعة ٢٧ من يونيو ٢٠٢٥
خرجت فتيات في ريعان الشباب للبحث عن المال لمساندة اهاليهم وتكميل مصاريف تعليمهم من خلال كسب المال الحلال يوم إجازاتهم وكلهم من قرية كفر السنابسة التابعة لمركز منوف، وللأسف سواق تريلا عمل حادثة في الميكروباص الذي يقلهم علي الطريق الاقليمي بالمنوفية، نحتسبهم عند الله من الشهداء ونرجو من الله الغفران والرحمة لهم والصبر للأهالي على مصابهم.
١. شروق خالد ابو المجد
٢. جني محى فوزي
٣. تقى محمد الجوهرى
٤. هدير عبد الباسط قنديل
٥. شيماء محمود عبد الهادي
٦. ملك عربي فوزى
٧. اسراء صباح عبد الوهاب
٨. رويدا خالد ابراهيم
٩. ضحي همام الحفناوى
١٠. سمر خالد قنديل
١١. سارة محمد كوهيه
١٢. هنا مشرف علام
١٣. ميادة يحي
١٤. مروة أشرف
١٥. أية زغلول
١٦. شيماء يحى فوزى
١٧. أسماء خالد مصطفى
١٨. شيماء رمضان عبد الحميد
وهذه بعض الأقوال من الأهالي على بناتهم:-
هدير احدي ضحايا حادث الإقليمي اليوم
طالبة في معهد تمريض.
• تعمل في قطف العنب باليومية بقيمة 130 جنيها.
• تعمل كي تساعد في مصاريف دراستها.
• والدتها قالت لها: “ارتاحي يابنتي النهاردة الجمعة، قالت لا علشان ألحق أحوش قرش ينفعني لما الدراسة تبدأ.”
• كانت نوارة البيت كما وصفتها والدتها وماكانتــش بتقول غير نعم وحاضر يا ماما
= الله يرحمها، شيماء كانت أكتر واحده حاسه بيا اكتر واحده في اخواتها
كان نفسها تخش كلية هندسة بس كان ليها اختين اكبر منها واحده في ثانوية عامه و واحده في كلية
و هي كانت في اعدادي طلعت الاولى بس مرضتش تخش ثانوي عام عشان متقلش عليا في المصاريف
و دخلت صنايع و طلعت الاولى
و دخلت معهد و طلعت الاولى و دخلت كلية الهندسه و بقت مهندسة بس راحت.
وسنوافيكم بأي جديد…
