بعد ٢٤سنة من انطلاقه تامر حسني يسأل جمهوره عن ذكرياتهم مع ألبوم تامر وشيرين.

كتبت: إيمان عبد الرازق

قام النجم “تامر حسني” بمشاركة جمهوره منشوراً عبرحساباته الرسميه على موقعي الفيسبوك والأنستجرام يتضمن صورة ألبوم “تامر وشيرين” الذي كان بمثابة انطلاقة كبيرة له وللنجمة “شيرين عبد الوهاب” ومن انتاج المنتج الكبير “نصر محروس” وكتب تامر عبر منشوره: 《يلا اتفضلوا كلموني عن ذكرياتكم مع الألبوم التاريخي ده،

ألبوم تامر و شيرين

للي مش عارف، دي كانت بدايتي أنا و شيرين، و ده أول ألبوم لينا كان كل واحد فينا مغني نص الألبوم ٤ أغاني لوحده و أغنيتين بيجمعونا مع بعض، زي “لو خايفة” و “لو كنت نسيت”

طبعًا تحية من القلب للشخص اللي من مصر كلها و العالم العربي كله اختار من بينهم تامر حسني و شيرين عبد الوهاب

عشان يقدمهم في ألبوم واحد الأستاذ نصر محروس،

أسطورة الإنتاج المصري و العربي

مين فيكوا بقى حضر الوقت ده أو سمع عنه؟

و اللي هيقولي مكنتش اتولدت

ياريت يقولها بشكل أفضل من كده 》

ولاقى المنشور تفاعلاً كبيراً وواسعاً من جمهور تامر حسني ورواد مواقع التواصل الاجتماعي معلقين عن ذكرياتهم مع هذا الألبوم ومدى حبهم له وتعلقهم بيه الى الآن.

ومن جانبه قام المنتج “نصر محروس” بالرد على كلام ومنشور تامر قائلاً: 《حبيبي ياتامر ده أكتر ألبوم كان قريب من قلبي وخاصة ان فيه أكثر صوتين بحبهم تامر وشيرين اللي بفتخر ان أنا قدمتهم للجمهور لأنهم

يستاهلوا كل النجاح وكل التألق.. وده من أهم البومات حياتي عامة يعني وكانت بالنسبلي تجربة أنا بعملها وانا مؤمن بيها جدا وكنت حاسس أد ايه الالبوم ده هيأثر في الناس وهيحبوه .

وطبعا احنا شايفين نتيجة التجربة دي وصلتنا لإيه نجم من الطراز الأول ونجمة من الطراز الأول ..ربنا يكون معاكم ويحميكم..

وأشوفك أعلى وأعلى انا فخور بيك وبشكر ربنا وانت تستاهل كل خير ياصاحبي》.

ليقوم بعدها “تامر حسني” بالرد عليه قائلا: 《مجهودك وفكرك الصادق المختلف اللي لحد النهاردة انا واقف عنده وبقول ازاي الراجل ده صدق الموهبتين دول من مصر كلها علشان النهاردة يكونوا تامر حسني وشيرين عبدالوهاب حقيقي موضوع غريب يستحق الوقوف عنده .. شوفت ايه انت في في ولد وبنت صغيرين شكلهم غلابه معندهومش اي حاجة غير موهبة وشوية طموح انت خطير يااستاذ نصر والتاريخ عمره ماهينسى وقفتك مع الصناعة الموسيقية المصرية

حبيبي وأخويا وأستاذي》 .